Ekipet e kërkimit në Iran kanë arritur në vendin ku të dielën, është rrëzuar aeroplani i kompanisë Aseman Airlines. Autoritetet kanë thënë se të 65 njerëzit në bord kanë humbur jetën.
Televizioni shtetëror tha se ekipet e shpëtimit kanë arritur në vendngjarje përpara agimit.
Kërkimet janë ndërprerë gjatë natës, për shkak të borës së dendur. Aeroplani ATR-72 ka qenë duke udhëtuar nga Teherani në qytetin Jasuj kur është rrëzuar në malin Dena. Aeroplani i aksidentuar kryente fluturime prej 25 vjetësh.