Kryetari i Prizrenit, Mytaher Haskuka, ka përkujtuar Betejën e Jeshkovës.
Ai, tha luftëtarët e UÇK-së duhet dhe do të mbeten të paharruar.
“Në ditën e sotme, më 11 mars të vitit 1999, fillon beteja e lavdishme e Jeshkovës”, shkruan Haskuka në Facebook.
“ Në luftën e pabarabartë, ku luftëtarët UÇK-së kishin përballë njërën prej pesë ushtrive më të mëdha në Evropë, ranë dëshmorë: Ymridin Çengaj , Alajdin Xhezairi, Bashkim Sukaj, Hajdar Shala, Feriz Susuri, Hamit Thaçi, Tahir Gashi, Hysen Rexhepi dhe Skender Latifi”.
“Sakrifica e tyre na solli lirinë, prandaj luftëtarët e UÇK-së duhet dhe do të mbeten të paharruar. Në Landovicë do të krijohet një muze kushtuar luftës së UÇK-së, ku njehërit do të dokumentoheshin krimet e ushtrisë së Serbisë në Kosovë”/PrizrePress.com/