Komuna e Suharekës ka filluar mobilizimin në përgatitjet për Testin Ndërkombëtar për Vlerësimin e Nxënësve (PISA) 2018.
Përmes një njoftimi, komuna bëri të ditur se janë përzgjedhur 155 nxënës nga shkolla të ndryshme të komunës që do ti nënshtrohen këtij testi.
“Testimit do t`i nënshtrohen 29 nxënës nga katër shkollat fillore (Kongresi i Manastirit”-Studenqan, “ Dëshmorët e Greikocit”-Greikoc, “ Dituria” – Samadraxhë, “ 17 Shkurti”-Shirokë ) dhe 126 nxenes nga tri shkollat e mesme të komunës sonë. Gjithsejt 155 nxenes pritet t`i nenshtrohen këtij vlerësimi ndërkombëtar, të përzgjedhur nga sistemi PISA”, thuhet në njoftim
Komuna si duket po fokusohet në përgatitje vetëm në shkollat e përzgjedhura për testim sipas udhëzimeve të MASHT-it
“Komisioni për mbikëqyrjen e testit PISA 2018 tashmë ka bërë nje plan operativ, ku akterë te zbatimit të këtij plani jemi edhe ne, përfaqesues të DKA-ve dhe shkollave.Rreth mobilizimit të të gjitha strukturave për organizimin e testit PISA, në menyrë që suksesi mos të jete i njejti me PISA 2015, kemi realizuar fillimisht vizita dhe takime në shkollat e përzgjedhura me drejtorët, koordinatoret dhe nxenësit. Ndërsa tashmë jemi në fazën e realizimit të testit provues në të gjitha shkollat e përzgjedhura”, thuhet tutje në njoftim.