Një person është gjetur i plagosur të hënën rreth orës 13:30 në fshatin Duhël të Suharekës, ka njoftuar policia e Kosovës.
Sipas njoftimit nga Drejtoria e Policisë Rajonale të Prizrenit, njësitet policore kanë dal në vendin e ngjarjes ku është bërë ekzaminimi i vendit të ngjarjes dhe është sekuestruar një pistoletë e kalibrit të vogël.
Viktima është dërguar në spitalin e Prizrenit, ku si pasojë e plagëve të marra ka ndërruar jetë.
Rasti është iniciuar si vdekje e dyshimtë. Trupi i pajetë është dërguar në Institutin e Mjekësisë Ligjore për autopsi.