Sulmuesi italian, Mario Balotelli nga viti 2016 është duke u paraqitur në Ligue 1 të Francës për ekipin e Nice dhe kontrata e tij skadon në fund të këtij sezoni, me ç’rast “Super Mario” do të jetë lojtarë i lirë.
Agjenti i tij, Mino Raiola nuk e ka përjashtuar mundësinë e rikthimit të tij në Seria të Italisë, por ai mendon se klienti i tij vlen plotë 100 milionë euro dhe skuadrat e interesuara kanë fatin që ai do të jetë lojtarë i lirë, e në këtë mënyrë mendon se do të ishte një mundësi që nuk mund të humbet nga ekipet italiane.
“Ai vlen 100 milionë euro, por kontrata i skadon dhe kështu është i lirë”.
“Jam në negociata me klube në Angli dhe Itali dhe kam biseduar me klube si Juventus, Roma, Napoli dhe Inter”, u shpreh super agjenti Mino Raiola.
27 vjeçari, këtë sezon me Nice në Ligue 1 ka shënuar 14 gola, kurse për këto dy sezone sa është pjesë e skuadrës franceze, ka realizuar 39 gola në të gjitha gara