Një person është plagosur në rrugën “Brigada 128” në Prizren, nga një fqinj i tij, për shkak të një mosmarrëveshjeje pronësore.
Policia ka njoftuar se i plagosuri ka pësuar plagë në afërsi të gjurit dhe është ndalur për trajtim mjekësor në Emergjencë, ndërsa i dyshuari është arrestuar. Policia po ashtu ka sekuestruar një pushkë gjysmë automatike me 26 fishekë.
Gjatë bastisjes së shtëpisë janë gjetur dhe sekuestruar edhe 395 fishekë.
I dyshuari është ndalur nën masën e arrestit për 48 orë.