Sahit Osmani
( Me rastin e 140 vjetorit)
Aty te rrënjët e shekujve
Në shkëmbenjtë ku zë fill historia
Besëlidhur shqiptarët
Si në legjenda vunë themelet
Te kjo Shtëpi e Lidhjes
Të flasë trimëria
Ecin sot krenarisht
Nga të gjitha trojet shqiptare
Hyjnë e dalin nga Sheshi
Aty ku u mbajt Kuvendi
Burrat në permendore janë shndërruar
Flet vet Monumenti
Nga zemër e bjeshkës
Trand gurët Lumbardhi
Përmes shkëmbinjve të historisë
Derdhet pa u ndalur shekujve
Aty ku është Ymer Prizreni
Aty është Abdyl Frashëri
Rrapi kurorëmadh e i degëzuar
Sinjale nga rrënjët e trungut çon
Përmes gjethesh fëshfërin gjuhën
Në tinguj cicërimash të zogjve
Shqip flet e shqip këndon
Historinë me gjak firmosur…