Një fotografi e kryetarit të Komunës së Prizrenit nga Vetëvendosje, bashkë me kryetarin e degës së kësaj partie në Prishtinë, Arben Vitija dhe deputetin e Kuvendit të Kosovës, Xhelal Sfeqla, ka marrë komente në murin e faqes së kryetarit në Facebook.
Ata po ndiqnin bashkë ndeshjen Liria – Prishtina, që ishte tepër e rëndësishme për kryeqytetasit, dhe të cilën e fitoi në minutat e fundit shtesë të ndeshjes.
“Liria – Prishtina derbi tradicional që meriton vëmendje. Me Arbenin Vitinë duke shijuar lojën në stadiumin ‘Përparim Thaqi’. Uroj fairplay dhe lojë të bukur”, kishte shkruar Haskuka, në përshkrimin që e kishte shoqëruar me fotografinë.
Ndjekësit e Haskukës nuk kanë lënë pa komentuar pse për ata janë siguruar ulëse në tribunat e stadiumit, derisa tifozët janë ulur në beton.
“e pse ju ne karrige, e shikuesit tjere ne cement? Plus ata kane pagu hyrje ju keni hy pa pagese. TURP !”, ka shkruar një komentues.
“Pse nuk jeni ule edhe ju si te tjeret, ne shkalle?”, shkruan një tjetër.
“Ulnu toke, se latë nam”.
“Ku e ke modestin per me ul edhe ti ne beton si tifozt tjere, nashta pe kepton qe shembullin e karriges e keni në gjak edhe ju!”.