Ministria e Arsimit, Shkencës dhe Teknologjisë (MAShT) ju bën apel të gjithë nxënësve, të cilët këtë vit i nënshtrohen testit të Maturës Shtetërore, që të mos bien pre e keqpërdoruesve, të cilët pretendojnë se e kanë publikuar testin për ditën e dytë në rrjete sociale.
Kjo ministri përmes një kumtese për media ka siguruar nxënësit se testet e publikuara nuk janë testet të cilat do t’i kenë para vetes në ditën e testimit.
Me rastin e mbajtjes së testit të Maturës në Kosovë, ditët e fundit në rrjete sociale kanë qarkulluar fotografi të këtij testi.