Prishtina ka siguruar shërbimet e Meriton Korenicës nga klubi i Lirisë.
21-vjeçari që sezonin e fundit ishte kapiten i ekipit nga Prizreni, ka nënshkruar kontratë dyvjeçare me klubin nga kryeqyteti.
Ish-futbollisti i Rahovecit, Shkëndijës nga Tetova dhe Metallurgut nga Maqedonia dhe i Lirisë së Prizrenit ka shprehur kënaqësinë e madhe që do të jetë pjesë e ekipit të klubit më të madh në vend.
“Nuk ishte zgjedhje e vështirë. Prishtina është klub i madh i cili reprezenton sfida të mëdha për gjithë futbollin kosovar. Ky është po ashtu hap i radhës i madh në karrierën time. Falënderoj FC Prishtinën për mundësinë që të jem pjesë e shtëpisë së kampionëve. Bashkë me Plisat do të arrijmë shumë triumfe, suksese në garat evropiane, Kupën e Kosovës dhe patjetër, rikthimin e titullit të kampionit në kryeqytet. Do të luftojmë në çdo front, për secilin trofe”, ka thënë Korenica.