Kryetari i Komunës së Prizrenit, Mytaher Haskuka, e ka vlerësuar skandaloz vendimin e fundit të Organit Shqyrtues të Prokurimit, lidhur me aktivitetin e prokurimit për ndërtimin e teleferikut për qasje më të lehtë në Kalanë e qytetit.
Sipas tij, me këtë qasje OSHP-ja ka kërkuar që Komuna e Prizrenit të veprojë kundër disa ligjeve, shkruan sot Koha Ditore.
Haskuka ka pohuar se do t’i shkojë deri në fund të kësaj çështjeje dhe se nuk ka frikë nga organet e kapura.
Ndërsa përfaqësues nga opozita kanë kërkuar dorëheqjen e tij, duke theksuar se e kanë paralajmëruar kryetarin se ndërhyrjet në këtë proces përbëjnë shkelje ligjore.