Një izraelite ka kumtuar se do ta padisë bashkëshortin e vet i cili ka blerë katër televizorë për ta përcjellë Kampionatin Botëror në futboll i cili mbahet në Rusi prej 14 qershorit deri më 15 korrik, shkruan gazeta “Maariv”.
Siç pretendon gazeta, gruaja 40 vjeçe është zemëruar sepse burri i saj i ka sjellë në shtëpi katër televizorë për ta përcjellë futbollin.
Kjo izraelite është e pakënaqur dhe nuk dëshiron që shtëpia e saj të shndërrohet në “klubin e zhurmshëm mashkullor”.
Ajo i ka propozuar bashkëshorit që t’i falë televizorët atyre që kanë nevojë, por ai ka refuzuar.
Pastaj i ka propozuar që të shkojë në shtëpi të prindërve të tij, dhe në rast se mbetet në shtëpi ajo do ta padisë burrin në gjykatë.
Gruaja ka treguar se madje burri i është kërcënuar se nëse ia ndalon ta përcjellë Kampionatin Botëror në futboll, do t’ia thyej televizorin në kokë./Insajderi.com.