Kryetari i Gjykatës Themelore në Prizren, Ymer Hoxha, tha për KALLXO.com se koha e saktë e mbajtjes së seancës për caktimin e masës së sigurisë ndaj bosit të klubit të natës ‘Kobra City, Dibran Hoxha, nuk është caktuar ende.
Por ai u shpreh i bindur se kjo seancë do të mbahet gjatë pasdites së sotme.
“Ende nuk e kemi caktu orën mirëpo seanca do mbahët sot pasdite”, tha Hoxha për KALLXO.com.
Dibran Hoxha, i njohur si pronari i “Kobra City”-t në Prizren është arrestuar sot nga Policia e Prizrenit.
Hoxha ka qenë në kërkim policor prej ditës së shtunë pasi që i kishte shkaktuar lëndime të rënda trupore personit H.B., babai i një ish-punëtori të “Kobra City”, një lokali nate në Prizren.