Në Malishevë është mbajtur një takim me gra.Në këtë takim kanë marrë pjesë gratë kandidate për Asamblenë Komunale nga Lëvizja Vetëvendosje! Hidajete Mazreku, Jetmira Vrenezi, Libade Gegaj, Shukrie Elezi,dhe deputetja e Kuvendit të Kosovës Albulena Haxhiu. Në këtë takim u diskutuan për shqetësimet dhe problemet që hasin ç’do ditë gratë e Malishevës.
Ndër problemet që u diskutuan ishin: mungesa e çerdhes, mungesa e një shkolle fillore në lagje pasi shkolla aktuale gjendet shumë larg disa lagjeve të qytetit, shkelja e të drejtave në punë për ato pak gra që punojnë, papunësia e madhe, injorimi i institucional i iniciativave të grave në bujqësi e sektorë tjerë dhe shumë probleme të tjera.
Deputetja Albulena Haxhiu foli për rëndësinë e pjesëmarrjes së grave në jetën politike e publike dhe u shpreh e gatshme të adresoj në Parlament dhe forume të ndryshme çfarëdo problemi që kanë gratë.
Gratë në këtë takim u shprehen të kënaqura që patën mundësi që bashkë me Aktivistet e Lëvizjes VETËVENDOSJE! të flasin për problemet dhe sfidat që ka gruaja sot në Malishevë dhe ti adresojnë disa kërkesa për asamblistet e ardhshme./PrizrenPress.com/