Ish Ministri i Jashtëm i Britanisë, Lord Carrington, i cili ishte anëtari i fundit i gjallë i qeverisë Churchill të 1950-ës, ka ndërruar jetë në moshën 99 vjeçare.
Ai kishte dhënë dorëheqje nga posti i ministrit të jashtëm në vitin 1982, pasi Ishujt Falkland u morrën nga forcat e Argjentinës. Politikani konservator kishte shërbyer edhe si ministër i mbrojtjes.
Lord Carrington ishte edhe negociatori i parë nga Bashkimi Evropian për Ish Jugosllavinë. Ai ishte i përfshirë në bisedimet gjatë luftës në Bosnje.
Ish kryeministri britanik David Cameron tha se Peter Carrington gjithmonë ishte në shërbim të qytetarëve dhe se ndjehej i nderuar që kishte punuar me te.