Mbrëmjen e së martës ka ndodhur një aksident i rëndë trafiku në rrugën Prizren-Vermicë, ku u përfshinë dy vetura dhe një motoçikletë.
Ngasësi i motoçikletës dhe bashkudhëtari i tij kanë pësuar lëndime të rënda. Ata fillimisht janë trajtuar në Qendrën Emergjente në Prizren, më pas janë dërguar në Qendrën Klinike Universitare në Prishtinë.
Aksidenti dyshohet të ketë ndodhur pasi njëra nga veturat e përfshira nuk iu ka përshtatur rregullave të trafikut, me ç’rast është ndeshur me motoçikletën e cila ishte në qarkullim nga Zhuri për në Prizren.
Ngasësi i këtij automjeti është në arrati ndërsa prokurori ka lëshuar urdhërarrest për të dhe njësitet relevante janë në kërkim.
Ngasësi i automjetit të dytë të përfshirë në këtë aksident ka pësuar lëndime të lehta trupore.