Spitali i Prizrenit, i cili synohet të kthehet në një qendër terciare siç është edhe Qendra Klinike Universitare e Kosovës (QKUK), ka mungesë të theksuar të barnave nga lista esenciale, të materialit shpenzues, mungesa të disa aparaturave e po ashtu edhe të stafit mjekësor në Emergjencë
Drejtori i Spitalit të Prizrenit Afrim Avdaj në një intervistë për gazetën “Zëri” ka thënë se ky spital nga tremujori i parë i këtij viti deri më 27 qershor ka pasur 46,05% furnizim me barna dhe 18,73% me material shpenzues.
Përpos mungesës së barnave, ai ka treguar se ka mungesa edhe të autoambulancave, por edhe të disa aparaturave që merren me diagnostikimin e sëmundjeve.
Ndërsa shumë nga aparaturat me të cilat punohet në këtë spital, sipas tij, janë të vjetërsuara dhe të amortizuara, andaj edhe rastet që kanë nevojë për ekzaminime me aparaturë që nuk i posedon Spitali referohen për trajtim në QKUK.
Zëri: Si janë përgjithësisht kushtet në Spitalin e Prizrenit?
Avdaj: Kushtet e përgjithshme në Spital janë relativisht të mira, gjithnjë në përpjekje për përmirësim dhe për krijimin e kushteve sa më të mira për punë. Kemi shtretër të mjaftueshëm, ndërsa dhomat janë të pajisura me pajisjet e nevojshme. /Zëri/