Paul Pogba vazhdon të mbetet gjithmonë aktual për mediet, jo vetëm britanike, por edhe ato spanjolle, italiane…
Transferimi i Cristiano Ronaldos tek Juventusi ka bërë që Pogba të shprehë dëshirën të rikthehet përsëri tek “Zonja e vjetër”.
Raportohet se ai e ka informuar klubin anglez përmes agjentit të tij Mino Raiola se dëshiron të largohet.
Megjithatë, fakti se Manchester United e kanë blerë mesfushorin francez për rreth 115 milionë euro vetëm para dy viteve e vështirëson largimin e tij. United është i vendosur ta mbajë Pogban në ekip, sepse ai është pjesë kyçe e planeve të Jose Mourinhos.
Por, Pogba është i përgatitur të “luftojë” për këtë largim. Kupa e Botës i ka ndihmuar 25-vjeçarit ta kuptojë se ai nuk përshtatet me stilin e lojës së Jose Mourinhos, dhe tani ai beson se Juventusi është ekipi i duhur për të.