Policia e Prizrenit ka njoftuar për një rast të vrasjes në tentativë.
Sipas Policisë, mbrëmë rreth orës 22:37, një mosmarrëveshje ka eskaluar në përdorimin e armës së zjarrit.
Sipas hetuesve të Policisë së Prizrenit thuhet se i dyshuari D. B. ka shtënë me pistoletë në drejtim të viktimës, të cilin e ka plagosur nën gju në këmbën e majtë.
I plagosuri është përcjell fillimisht në Emergjencën e Spitalit Rajonal në Prizren e më pas në QKUK për trajtim të mëtejmë.
Policët dhe krim-teknikët kanë kryer procedurat hetimore.
Është sekuestruar një pistoletë e llojit të panjohur, ndërkaq i dyshuari është arrestuar.