UEFA do të zhvillojë zgjedhjet për kreun e saj më 9 Shkurt të vitit 2019 në kryeqytetin italian, ndërsa sot është konfirmuar edhe kandidati i parë zyrtar.
Bëhet fjalë për drejtuesin aktual të këtij institucioni, Aleksander Ceferin, i cili u propozua nga atdheu i tij, Sllovenia, federatën e të cilës pati drejtuar para se të vinte në krye të UEFA-s.
Federata sllovene ka njoftuar se ka dorëzuar propozimin për Ceferin, kandidaturë të cilën e mbështesin deri tani edhe 8 federata të UEFA-s, përfshi Norvegjinë, Danimakën, Finlandën, Ishujt Faroe, Italinë, Suedinë, Islandën dhe Irlandën.
Sipas rregullave të UEFA-s, çdo person që ka ambicie për të kandiduar duhet të propozohet nga të paktën 3 shtete anëtare, dhe ka afat deri më datë 7 Nëntor për ta bërë këtë.
Aleksander Ceferin, tashmë 51 vjeç, ka drejtuar Federatën Sllovene të Futbollit në periudhën 2011-2016, ndërsa në Shtator të 2016-ës u bë president i UEFA-s, ku pasoi francezin Michel Platini.