Kryetari i Prizrenit, Mytaher Haskuka, ka treguar arsyen e shkëputjes së kontratës me çerdhen “Yllka”.
Sipas tij, operatori ekonomik, nuk ka respektuar kontratën e nënshkruar me Komunën e Prizrenit, shkruan “PrizrenPress”
Postimi i plotë në “Facebook”
Në bazë të rekomandimit të komisionit për vlerësimin e kontratës, në mes të Komunës së Prizrenit dhe të operatorit ekonomik për shfrytëzim të çerdhes “Yllka”, për shkak të mosrespektimit të kushteve të kontratës, është vendosur që të shkëputet marrëveshja me operatorin.
Pikat kryesore kontestuese janë:
1. Mos pagesa e qirasë prej 41,66 euro në muaj, që nga fillimi i shfrytëzimit (prej vitit 2010).
2. Operatori ekonomik është zotuar të investojë 629.000 euro, vlerë kjo që pas 8 vitesh shfrytëzimi nuk është realizuar as për së afërmi.
3. Në kundërshtim me kontratën, operatori ekonomik në hapësirat e çerdhës ka hapur paralele shkollore.
4. Sipas kontratës, operatori ekonomik ka pasur për obligim të regjistrojë çdo vit nga 20 fëmijë të dëshmorëve e veteranëve pa pagesë, gjë që nuk ka ndodhur asnjëherë.
