Ar Gashi po pretendon se drejtori i Arsimit në Prizren ka konsumuar alkool të martën në oborrin e DKA-së.
Për ta vërtetuar, ai ka postuar disa fotografi në Facebook të drejtorit të DKA-së, Skender Susuri, të martën paradite, të cilat, sipas tij, janë dëshmi që Susuri ka qenë duke konsumuar alkool.
Gashi thotë se u kërcënua nga drejtori dhe një policë hetues në Facebook.
Ndryshe nga Gashi, drejtori i DKA-së, Skender Susuri, e mohon se ka konsumuar alkool. Ky ka një version tjetër, raporton T7.
“Unë i kam 54 vite unë kurrë në jetë nuk jam konsumuar alkoool, as edhe cigare.Unë i përcjelli zakonisht deri tek dera e oborrit të gjithë në rrugë e sipër e kam pa një kanaqe e cila ka qenë e vendosur në lulishtet dhe e kam marrë për me vendos në hedhurinë”.
I pari i Arsimit në Prizren nuk e pranon se e ka kërcënuar Gashin.
“Nëse ai dëshmon gërvishtjen unë marrë përgjegjësi vetëm e kam pyet pse e fotografove drejtorin. Jam mendu për një kallxim penal, jo për rastin po për me mbrojt institucionin”.
Frontal ka siguruar videot ku shihet se Susuri nuk ka qenë duke konsumuar alkool, por vetëm duke e larguar një kënaçe të birrës.
Rastin në fjalë po e heton Policia. Këtë e ka konfirmuar nëpërmjet telefonit rreshteri Vesel Gashi.
Gashi ka kërkuar nga Ar Gashi që nëse ka kërcënime nga ndonjë zyrtar policor, ta paraqes në Inspektoratin Policor.