Nënkryetari i PDK-së, Kadri Veseli ka qëndruar sot pasdite në Rogovë të Hasit. Ai ka shpërndarë 700 libreza të anëtarëve të rinj të PDK-së. Për dhjetë minuta sa ka mbajtur fjalim, nënkryetari Veseli, disa herë ka thekësuar se PDK-ja është një familje e madhe në Kosovë.Ai ka ftuar të gjithë hasjnët që t’i bashkohen dhe votojnë në nëntor PDK-në.” Ju ftoj që t’i bashkoheni familjes së madhe të PDK-së”, tha Veseli. Ai tha se kryeministri i Qeverisë së Kosovës, Hashim Thaçi për asnjë moment nuk e ka harruar Hasin. Sipas tij, themelimi i komunave në Has, ka qenë vendimi më i drejtë dhe i rëndësishëm që ka marrë Qeveria e Kosovës. “Nuk kam qenë më i kënaqur asnjëherë se sa kur janë themeluar komunat në Has”, tha Veseli.
Ai këto komuna, do të funksionojnë shumë shpejtë.“Jam i sigurt se komunat e Hasit do të jenë më të suksesshme, sepse hasjanët janë njerëz punëtorë dhe kanë vizion se si ndërtohet vendi”, tha Veseli.
Kryetari i Degës së PDK-së në Has, Ramadan Hoti tha ndërkaq se hasjanët i janë mirënjohës për jetë kryeministrit Thaçi për vendimin që ka marrë për themelimin e komunave në këtë rajon. “Hasjanët do të mbështesin PDK-në, sepse kanë shumë arsye”, tha Hoti. /PrizrenPress.com/