Drejtori i Arsimit në Prizren, Skënder Susuri, ka mohuar akuzat e PDK-së se ka larguar politikisht shtatë mjekë, të cilët njëkohësisht kanë qenë edhe mësimdhënës në shkollën e mjekësisë “Luciano Motroni”.
Sipas tij, mjekëve në fjalë u ka skaduar kontrata.
“Atyre ju ka skaduar kontrata e punës, dhe se në sektorin e arsimit do të punojnë vetëm ata mësimdhënës të cilët nuk kryejnë punë sekondare”, tha Susuri për TV Prizrenin.
Dega e PDK-së në Prizren, ka reaguar sot për largimin 7 mjekëve, mësimdhënës në këtë shkollë.
Susuri, ndërkaq ka thënë se në rast të pretendimit të të larguarve se kemi të bëjmë me shkelje ligjore, ata mund t’i drejtohen organeve kompetente.