Marcelo ka pohuar se do të jetë lojtar i Real Madridit deri në fund, duke shuar spekulimet se mund të bashkohet me Cristiano Ronaldon te Juventusi.
Braziliani kaloi në Madrid nga Fluminense në vitin 2007, duke realizuar 450 ndeshje në të gjitha garat për Realin. 30-vjeçari gjatë verës ishte lidhur me një transferim te Juventusi, por mbrojtësi ka insistuar se do të qëndrojë në Bernabeu deri në pensioni.
“Është gjë që nuk ia vlen të diskutohet [e ardhmja]. Jam i lumtur te Real Madridi. Është shtëpia ime dhe kam shumë vjet në kontratë”, ka thënë Marcelo për Real Madrid TV.
“Jam shumë i lumtur këtu, është klubi më i mirë në botë dhe gjithmonë kam dashur të luaj për më të mirin. Është mirë të flasësh pasi gjithmonë ka raportime. Dua të jem në Madrid për shumë vjet. Jam i uritur [për trofe] siç isha si 18-vjeçar. Do të jem këtu deri në fund”, ka thënë veç të tjerash ai.