Kryetari i Prizrenit, Mytaher Haskuka, premton se prioritet i qeverisjes së tij, do të jetë infrastruktura dhe cilësia e arsimit në shkolla.
Ai, bashkë me drejtorin e Arsimit, Skënder Susuri, ka vizituar shkollat të cilat për shkak renovimeve kanë filluar një javë më vonesë vitin e ri shkollor.
“Bashkë me drejtorin e Drejtorisë së Arsimit, Skender Susuri, vizituam disa nga shkollat të cilat për shkak të renovimeve e kanë filluar vitin e ri shkollor me një javë vonesë”, shkruan Haskuka në “Facebook”
“Njëra prej këtyre shkollave është edhe ajo e gjimnazit “Remzi Ademaj”, në të cilën janë investuar mbi 150 mijë euro për përmirësimin e kushteve për nxënësit dhe mësimdhënësit”.
“Gjithashtu vizituam edhe shkollën në fshatin Dedaj dhe objektin në ndërtim e sipër të shkollës fillore “Bajram Curri” në Lukijë, ku po zhvillohet faza e dytë e punimeve”.
“Përmirësimi i infrastrukturës dhe i cilësisë në arsim është prioritet dhe për këtë do të punojmë në vazhdimësi”.
“Le të jetë ky një vit i mbarë për të gjithë nxënësit dhe mësimdhënësit”./PrizrenPress.com/