Ka vdekur sot asambleisti nga radhët e PDK-së në Komunën e Rahovecit, Astrit Thaçi.
Lajmin për vdekjen e Thaçit e ka bërë të ditur kryetari i Komunës së Rahovecit, Smajl Latifi.
“Me trazim shpirtëror e mësova lajmin për vdekjen e parakohshme të Astrit Thaçit, veprimtarit kontribut dhënës, këshilltarit të Kuvendit Komunal dhe afaristit të suksesshëm. Në këto momente pikëllimi e dhimbjeje, i shpreh ngushëllimet më të thella familjes Thaçi, shokëve, miqve dhe bashkëpunëtorëve të Astritit” ka shkruar Latifi në postimin e tij në Facebook.
“Njëkohësisht, ngushëllime të sinqerta edhe degës së PDK-së në Rahovec për humbjen e këtij anëtari të përkushtuar e besnik. Kërkoj që të ndajmë së bashku këto momente dhimbjeje e pikëllimi dhe ta përcjellim së bashku Astritin në amshim, ashtu siç e meriton një familjar, shok, mik e bashkëpunëtor” ka përfunduar Latifi.