Mbrojtësi holandez i Liverpoolit, Virgil Van Dijk është shprehur se djemtë e Jurgen Kloppit do të synojnë të fitojnë të gjitha trofetë e mundur në këtë sezon.
“Ai që nuk beson këtë është më mirë të qëndrojë në shtëpi”, ka paralajmëruar 27-vjeçari bashkëlojtarët e tij tek Liverpooli, transmeton Klan Kosova.
“Të kuqtë” kanë rritur pritshmëritë për këtë edicion pas fitores që ata shënuan kundër Paris Saint-Germanit në ndeshjen hapëse të edicionit të sivjetmë të Champions Leagues.
Kjo ishte fitorja e tyre e gjashtë radhazi në të gjitha garat, për herë të parë që nga viti 1990, duke bërë kështu që Liverpooli të ketë fillimin më të mirë të edicionit në 30 vjet e fundit.
Në ndeshjen e radhës Van Dijk do të luaj kundër ish ekipit të tij, Southampton nga i cili u transferua në janar për 84 milionë euro në “Anifield” dhe që nga ajo kohë është bërë lojtar kyç për klubin e tij të ri.