Zyrtarët turq bënë me dije se 25 ushtarë të saj janë plagosur aksidentalisht gjatë një aksidenti që ndodhi gjatë hedhjes së municioneve të rënda. Aksidenti ndodhi në një bazë në rajonin e Hakkarit, Semdinli, i cili ndodhet pranë kufijve me Iranin dhe Irakun.
Në një njoftim zyrtar Ministria e Mbrojtjes sqaroi se 25 të plagosurit u transferuan në spital dhe po marrin ndihmën e nevojshme mjekësore, Ajo shtoi se ka nisur edhe një hetim për këtë aksident që për pak sa nuk rezultoi në përmasa tragjike.
Turqia në muajt e fundit ka kryer sulme ajrore në bazat e Partisë së jashtëligjshme të Punëtorëve të Kurdistanit (PKK) në Irakun e veriut, veçanërisht në kështjellën e tij në malet Qandil, ku Ankaraja gjithashtu ka kërcënuar të kryejë një ofensivë tokësore.
Më shumë se 40. 000 njerëz janë vrarë që kur PKK filloi kryengritjen e saj në Turqi në vitin 1984.