Kryetari i Kuvendit të Kosovës, njëherësh lider i PDK-së, Kadri Veseli, ka përuruar sot bustin e heroit kombëtar Gjergj Kastrioti Skënderbeu, në Zym të Hasit.
Veseli ka thënë me këtë rast se heroi ynë kombëtar ka qenë burim i madh frymëzimi për Ushtrinë Çlirimtare të Kosovës duke na dëshmuar se, kur bënë një luftë të drejtë për liri, fitorja është e arritshme edhe përballë një armiku shumëfish më të madh e më mirë të armatosur.
“Këtë vit jubilar të përvjetorit të 550-të të vdekjes së Skënderbeut po e finalizojmë me përurimin e një shtatore madhështore të tij në Zym, në skajin verilindor të zotërimeve të familjes së Kastriotëve. Heroi ynë kombëtar ka qenë burim i madh frymëzimi për Ushtrinë Çlirimtare të Kosovës duke na dëshmuar se, kur bënë një luftë të drejtë për liri, fitorja është e arritshme edhe përballë një armiku shumëfish më të madh e më mirë të armatosur. Po ashtu, ai aleatët i ka kërkuar gjithmonë në Perëndim, çka është një amanet i orientimit gjeopolitik që ne ende e ndjekim me përpikëri”, ka shkruar Veseli në faqen e tij në Facebook.
