Një person është arrestuar pasi që ka tentuar ta sulmojë dhe e ka kanosur një zyrtar policor.
Policia ka sqaruar se në rrugën ”Sheh Muhedini” në Rahovec mbrëmjen e kaluar, pas një kundërvajtjeje dhe shqiptimit të gjobës në trafik, i dyshuari ka kanosur si dhe ka tentuar ta sulmojë fizikisht zyrtarin policor.
I dyshuari është penguar dhe arrestuar.
Gjithashtu sipas policisë, të dyshuarit i është bërë edhe matja e alkool testit, e cila ka rezultuar se kishte 1.23‰ alkool në gjak.
Policia nuk ka raportuar për të lënduar ndërsa i dyshuari me vendimin e prokurorit, është dërguar në qendrën e mbajtjes.