Një djalë i ri nga Mushtishti i Suharekës ka humbur jetën në vendin e tij të punës.
Këtë e ka konfirmuar për Insajderi, edhe zyrtarja për informim, brenda Policisë së Kosovës, Flora Ahmeti.
Ajo këtë ngjarje e ka cilësuar si vdekje të dyshimtë dhe thotë se tashmë janë hapur pistat e hetimit.
“Rreth orës 11:00 në Stacionin Policor në Graçanice është hapur një rast për një vdekje të dyshimtë. Sipas raporteve te para rasti ka ndodhë në një kompani private ku në rrethana akoma të pasqaruara një person/mashkull (1997) ka humbur jetën në vendin e tij të punës”, tha Ahmeti.
Me rastin po merren njësitet përkatëse, ndërsa trupi i viktimës është dërguar për obduksion.
Insajderi ka mësuar se 22 vjecari nga Suhareka, kishte qenë duke punuar në kompaninë “Labi Oil”, konkretisht në pikën e saj, në rrugën për në qytetin e Lipjanit.