Kandidati i koalicionit AAK-LDD, për kryetar të Prizrenit, Lulëzim Kabashi është takuar mbrëmë elektoratin e nëndegës “ 28 Nëntori “.
Kabashi, para antarëve dhe simpatizantëve të koalicionit, duke prezantuar programin e tij qeverisës, tha se platforma e tij qeverisëse, synim kryesor ka zhvillimin ekonomik, të bazuar në katër shtylla kryesore:
“Funksionalizimin e zonave industriale, investimet në sektorin e bujqësisë, investimet në turizëm, dhe në sektorin e ndërtimtarisë, shtylla këto që do të ndikojnë në hapjen e vendeve të reja të punës”, tha Kabashi.
Ai premtoi elektoratit të koalicionit, se mirëqeverisja gjatë katër viteve të ardhshme, do të ndjehet tek secili qytetarë i Prizrenit, dhe në familjet prizrenase.
“Zhvillimi ekonomik, me investimet në këto shtylla kryesore, do të na mundësojë që gjatë mandatit të ardhshëm katërvjeçar, çdo familje në komunën e Prizrenit, të ketë së paku një të punësuar”,.
Ai tha se nuk do të mungojnë investimet edhe në sektorët tjerë, dhe si kryetar i ardhshëm i Prizrenit, do të luftojë korruspionin prej vetvetës e deri tek punëtorët e administratës.
“ Unë nuk do të jem i korruptuar, e derisa unë s’do të korruptohem, as ekipa ime qeverisëse e as punëtorët e administratës sdo të lejojë të korruptohen. Në këtë takim elektoral, u bë edhe prezantimi i kandidatëve të Asamblesë Komunale nga kjo nëndegë, dhe kandidatëve tjerë që ishin prezentë në këtë takim”./PrizrenPress.com/