Gati një vit pas vdekjes së poetit Ali Podrimja, Akademia e Shkenca dhe e Arteve të Kosovës boton veprën e tij të plotë që e prezantoi dje në Tiranë në një mjedis të mbyllur akademikësh.
Janë vargje të Ali Podrimjes nga libri “Drejtpeshimi”, botuar nga “Rilindja” në një vit të rëndësishëm për Kosovën, 1981. Po të mos ishte zëri i Ema Andreas do besonim se është një rekuiem morti që vjen i paketuar nga Prishtina për në Tiranë.
Në fakt është vepra e plotë e Podrimjes që hartuesit, Akademikët nga Prishtina, ua prezantojnë akademikëve në Tiranë.
Botimet e para të viteve 60 dhe të fundit në vitet dymijë, vëllimet poetike “Thirrje”, “Dhimbë e bukur”, “Sampo”, “Hija e tokës”, “Torso”, “Lum Lumi”, tregimet dhe publicistika, janë opusi që hyn në pak kopje në bibliotekën e Akademisë Shqiptare.
Sa për praninë e këtyre teksteve në Shqipëri, komunikimi i Podrimes me lexuesin dhe botimet e këtushme është aq pak saç është për Azem Shkrelim, Anton Pashkun, Esad Mekulin, krijimtari 50-vjeçare që në shkollat tona konsiderohen autorë të Kosovës.