Edhe mbrëmë ka vazhduar mbajtja e zgjedhjeve në fshatrat dhe vendbanimet e Komunës së Malishevës, ku janë duke u zgjedhur kryesitë dhe kryetarët e tyre. Mbrëmë janë mbajtur zgjedhjet në fshatrat Berishë, Fshat i Ri, Shkarashnik, Gollubovc dhe Plloqicë, ndërsa procesi i zgjedhjeve është monitoruar nga komisioni komunal, për organizmin dhe mbajtjen e zgjedhjeve në fshatra dhe vendbanime.
Në Berishë, kryetar i fshatit është zgjedhur Eshref Berisha, në Fshat të Ri, kryetar është zgjedhur Arton Zogaj, në Shkarashnik, kryetar është zgjedhur Milaim Thaçi, në Gollubovc, është zgjedhur Hasan Morina dhe në Plloqicë, është zgjedhur Gani Thaçi.
Pjesa dërmuese e fshatrave të Komunës së Malishevës, tashmë i kanë zgjedhur kryesitë e reja dhe kryetarët, të cilët do ti përfaqësojnë ata në katër vitet e ardhshme.
