A.V 42 vjeçare u vra në mënyrë tragjike të martën në mbrëmje. I dyshuari kryesor për këtë rast po besohet të jetë burri i saj B.V i cili sipas policisë është i lindur në vitin 1958 që i bie t’i ketë 61-vjet. Sipas informacioneve që Gazeta Express ka siguruar brenda organeve të hetuesisë kosovare, çifti kishin ditë që nga Zvicra kishin ardhur për pushime në Kosovë.
Por një zënkë e tyre bëri që 61-vjecari të shkrep me armë zjarri, plumbat e së cilës dyshohet se i morën jetën në vendin e ngjarjes 42-vjeçares, A.V, mbrëmë pas orës 23:00 në lagjen ‘Hysni Morina’ të Prizrenit.
Në vendin e ngjarjes policia gjeti 15 gëzhoja të cilat u shkrepën nga revolja me të cilën dyshohet të ketë ndodhur e gjithë ngajrja e rëndë.
Ndëkorhë rastin ëpr Gazetën Express e kanë konfirmuar edhe zyratrë nga policia e Kosovës. Këta të fundit thanë se me date 06 gusht 2019 pas orës 23:00 në rrugën ‘Hysni Morina’ në Prizren, fillimisht qendra e thirrjeve në policinë e Kosovës ka pranuar një informacion dhe është raportuar për një plagosje.
“Pas intervenimit nga policia dhe emergjenca e Prizrenit të cilët kanë dalë menjëherë në vendin e ngjarjes është konstatuar për lëndimin e një viktime femër për të cilën mjeku ka konstatuar vdekjen si pasojë e lëndimit nga arma e zjarrit”, kanë deklaruar për Express, zyrtarë nga policia e Kosovës.
Ekipet policore të hetimeve për krim teknika në vendin e ngjarjes kanë gjetur viktimën si dhe 15 gëzhoja të kalibrit 9 mm.
Me vendim të prokurorit është bastisur shtëpia e personit të dyshuar dhe policia ka arritur të gjejë armën e tipit revole ZIG M1, të kalibrit 9 mm si dhe 42 fishekë të kësaj armë. Dyshohet se me të njëjtën armë i dyshimti ka kryer veprën penale të ‘vrasjes së rëndë’. I dyshimti dhe viktima kanë qenë bashkëshortë.
Në këtë rast është ndaluar në afat prej 48 orë personi i dyshimtë B.V i lindur në vitin 1958.
Me vendim të prokurorit të shtetit trupi i pajetë është dërguar në IML për procedura të mëtutjeshme hetimore.
Me rastin po merren njësitë e hetimeve rajonale në Prizren./GazetaExpress/