Kryetari i Nismës Socialdemokrate Fatmir Limaj, kujton 21 vjetorin e rënies heroike të Remzi Ademajt – Komandant Petriti, jetën dhe veprën prej luftëtari, duke thënë se rënia e tij ishte humbje e madhe për UÇK-në, por po kaq e madhe ishte vendosmëria për ta vazhduar luftën deri në fitore.
Ai përmes një postimi në Facebook shkruan se, Petriti do të mbetet përherë në kujtesën tonë si një atdhetar i pashoq se si luftohet për vendin.
Postimi i plotë:
Sot, në 21-vjetorin e rënies kujtojmë luftëtarin e orëve të para për lirinë e Kosovës dhe një nga komandantët më të shquar të Ushtrisë Çlirimtare të Kosovës, Remzi Ademaj- Komandant Petriti.
Petriti do të mbetet përherë në kujtesën tonë si një atdhetar i pashoq se si luftohet për vendin.
Rënia e tij ishte humbje e madhe për UÇK-në, por po kaq e madhe ishte vendosmëria për ta vazhduar luftën deri në fitore.
Lavdi jetës dhe veprës së Remzi Ademajt! Lavdi të gjithë dëshmorëve të Kombit!
FL
