Albulena Balaj-Halimi nga Nisma Socialdemokrate ka thënë se qeveria e ardhshme do të duhej të ishte shumë më efikase se sa që ka qenë.
Ajo ka folur kështu të martën në “Debat” te RTK.
“Nisma është e gatshme dhe është përcaktuese që qeveria e ardhshme të jetë efikase e e përgjegjshme, e cila do të jetë e aftë ta zgjidhë cilëndo punë që i del përpara”, ka thënë ajo.
Balaj-Halimi ka theksuar se Nisma Socialdemokrate ka rritje, ngase sipas saj, qytetarët e kanë parë punën që është bërë.
Ajo thënë se të gjitha subjektet duhet të marrin përgjegjësinë për dialogun me Serbinë.
Balaj-Halimi ka thënë se koalicioni LDK-Vetëvendosje nuk mund të funksionojë, sepse këto dy subjekte kanë dallime të mëdha në tema thelbësore.