Majkl Devenport, shef i delegacionit të Komisionit Evropian në Serbi, ka thënë sot se është arritur përparim i konsiderueshëm në ndërtimin e marrëdhënieve konstruktive midis Beogradit dhe Prishtinë, që janë ndërmarrë hapa të guximshëm dhe të vendosur por nuk duhet nënvlerësuar edhe hapat tjetër që duhet të ndërmerren në mënyrë që ky proces të vazhdoj.
Devenport, gjatë ceremonisë së përurimit të projektit Digjitalizimi i librave kadastral, të cilin Beogradi në përputhje me marrëveshjen e Brukselit, duhet t’ia pason Prishtinës, ka thënë se ky projekt është hap tutje kah normalizimi i marrëdhënieve.
Sipas tij, me kohë gjatë implementimit, projekti do të ofrojë dobishmëri për qytetarët pa marrë parasysh se të cilit nacionalitet janë.
“Ky projekt, të cilin e financon BE, ndodh nw kontekst të gjerë të përparimit të konsiderueshëm në aspektin e ndërtimit të marrëdhënieve konstruktive midis Beogradit dhe Prishtinës. Hapat të guximshëm janë ndërmarrë edhe nga udhëheqësit në Beograd edhe ata në Prishtinë, posaçërisht gjatë dymbëdhjetë muajve të fundit”, ka thënë ai, shkruajnë mediat serbe.
Sipas tij, ky guxim dhe vendosmëri nuk duhet nënvlerësuar, siç nuk duhet nënvlerësuar guximin dhe vendosmërinë e cila do të jetë e nevojshme për punë të mëtutjeshme.