I akuzuari K.RR. nga fshati Kobaj i Prizrenit është dënuar me 1 vit burg për detyrim të prostitucionit.
Ai po ashtu është dënuar edhe me gjobë.
“Të akuzuarin me iniciale K.RR , gjykata e ka shpallur fajtor dhe e ka dënuar me dënimin me burgim efektiv në kohëzgjatje prej 1(një) viti, në të cilin dënim do ti llogaritet edhe koha e qëndrimit në ndalim prej 48 orëve, si dhe dënim me gjobë në shumën prej 500(pesëqind) euro.”, thuhet në komunikatën e Gjykatës së Prizrenit.
“Sepse prej janarit të vitit 2018, në vazhdimësi deri me datën 08.07.2019 në Prizren, ndihmon ose kontrollon personin tjetër përkatësisht gruan e tij-të dëmtuarën me iniciale A.RR.,për qëllime të prostitucionit në atë mënyrë që i pandehuri e ndihmon në gjetjen e klientëve me qëllim të mundësimit të prostitucionit, ku fillimisht përmes telefonit i organizon takimet me klient, në lokale të ndryshme, me të njëjtit paraprakisht merren vesh lidhur me çmimin, e më pas e dërgon të njëjtën në hotele dhe shtëpi të klientëve”./PrizrenPress.com/