Analizat e gjakut dhe shumë shërbime të tjera të analizave laboratorike që i përkasin Kujdesin Parësor Shëndetësor tanimë mund të bëhen edhe në Qendrën e Mjekësisë Familjare të fshatit Reçanë.
Kryetar i Komunës së Prizrenit, Mytaher Haskuka tha se rreth 12 mijë banorë të rajonit të Zhupës nga sot nuk do të kenë nevojë të udhëtojnë deri në qytet, për kryerjen e analizave laboratorike në QKMF.
“Me anë të pajisjes së re laboratorike, ato mund t’i kryejnë edhe në Reçanë”, tha Haskuka.
“Ky projekt i realizuar nga Drejtoria e Shëndetësisë, është edhe një zotim i përmbushur në kuadër të riorganizimit të njësive shëndetësore”./PrizrenPress.com/