Kandidatja për kryeministre e LDK-së, Vjosa Osmani, ka qëndruar mbrëmë në lagjen “Ortakoll” të Prizrenit.
E entuziazmuar me mirëpritjen, Osmani ka thënë se është e dashuruar me Prizrenin.
“A ka gjë më të bukur dhe njerëzore se të bashkëjetosh në harmoni të plotë me fqinjin që flet tjetër gjuhë apo ka të tjera dallime nga ti. Ky është Prizreni që na bënë ta duam aq shumë, me bujarinë, fisnikërinë e zemërgjerësinë e qytetarëve”, tha Osmani, shkruan “PrizrenPress”
Ajo, ka folur për prioritetet që do t’i ketë qeveria e saj.
“Në qeverinë time asnjë cent, as edhe një cent i vetëm i buxhetit të shtetit nuk do të keqpërdoret. Taksat tuaja do tu rikthehen ju, me shërbime që përmirësojnë jetën e çdo qytetari pa dallim ngjyrimi politik, religjioz, etnik, moshe e gjinie apo rajoni se prej nga vini”.
“Për mua funksionimi i shtetit lidhet me funksionimin e jetës së qytetarëve”.
“Një shtet funksional është kur dita dhe viti i një qytetari është i përballueshëm edhe në aspektin e mbrojtjes, por edhe në aspektin financiar”
“Ne planifikojmë që të kemi një program nacional të kursimeve qeveritare i cili do ta eliminojë luksin. Nëse ne i rishikojmë skemat e dëmshme; atëherë kursehen 100 milionë euro në vit”.
“Kjo automatikisht i jep komoditet Qeverisë së ardhshme që të investojë në fusha të ndryshme që do ta përmirësonin jetën e qytetarëve, sigurinë në vend dhe hapnin perspektivë për të rinjtë e të rejat e mrekullueshme të Kosovës”./PrizrenPress.com/
