Një person është arrestuar në orët e pasdites në Prizren pasi dyshohet ta ketë keqpërdorur fshehtësinë e votës.
“Një person është arrestuar dhe më pas është liruar për cenim të fshehtësisë së votimit- fotografim i votës, me urdhër të prokurorit rasti është duke u zhvilluar në procedurë të rregullt, të njëjtit i është konfiskuar telefoni për hetime kjo ka ndodhur në shkollën ‘Mati Logoreci’ në Prizren”, tha zëdhënësi i Policisë për rajonin e Prizrenit, Shaban Osmanollaj.
Ai tha se në fshatin Velezhë të Prizrenit është regjistruar një rast tjetër kur një qytetar ka penguar procesin e votimit duke ngritur zërin ndaj komisionerëve.
Ai tha se personi është intervistuar dhe më pas liruar ndërsa me urdhër të prokurorit ëshët dërguar në procedurë të rregullt.