Kandidati i PDK-së për kryetar të Prizrenit, Ramadan Muja, në kuadër të fushatës zgjedhore është takuar me elektoratin në fshatin Poslisht dhe Lubeqevë.
Muja tha se në këto dy fshatra Komuna e Prizrenit, ka bërë investime të mëdha. Sipas tij, në Poslisht, janë investuar mbi një milion euro.
“Ndihem krenar dhe jam ballëhapur kur takoj banorët e Poslishtit, sepse gjatë mandatit që po lamë pas kemi mbajtur të gjitha premtimet duke realizuar dhjetëra projekte kapitale të cilat drejtpërsëdrejti përmisojnë mirëqenien e banorëve të Poslishtit”
Kandidati për Kuvend Komunal nga radhët e PDK-së, Visar Islamaj, falënderoi Mujën për investimet që ka bërë në këtë fshat. “Besimi juaj për kryetarin Muja dhe Partinë Demokratike të Kosovës është besim në të ardhmen evropiane të komunës sonë”, tha Islamaj.
Ndërkaq, Muja në Lubeqevë është shoqëruar Ministëri i Punëve të Jashtme Enver Hoxha. “Fshati Lubeqevë ka treguar gatishmërinë në kohët më të vështira të kombit tonë, duke qenë prijetar të gjitha proceseve historike e në veçanti në luftën e fundit të UÇK-së. Qytatrët bujar e besnik të kësaj treve ashtu siç kanë qenë pjesë UÇK-së, do vazhdojnë të jenë në mbështetje të Partisë Demokratike të Kosovës dhe numrit 99 në zgjedhjet e 3 nëntorit”, tha Muja.
Ministri i Punëve të Jashtme të Republikës së Kosovës Enver Hoxhaj, iu ka garantuar banorëve të fshatit Lubeqevë, se fitorja e kryetarit Muja është e padiskutueshme.
“Ju duhet të dilni masovikisht me 3 nëntor që ta rikonfirmoni besimin tuaj për kryetarin e sukseseve dhe meritave prof. dr. Ramdan Muja”./PrizrenPress.com/