Në 21 vjetorin e masakrës në fshatin Burim, Kryetari i Komunës së Malishevës, Ragip Begaj, bëri homazhe në shenjë kujtimi për të vrarët e kësaj masakre.
Për shkak të situatës me pandeminë COVID -19, bwhet e ditur se nuk u organizua akademi përkujtimore dhe as tubim i qytetarëve nga institucionet komunale.
Begaj fillimisht bëri homazhe në varrezat e 42 të vrarëve të 31 marsit të vitit 1999, të cilët janë të varrosur në fshatin Dragobil, dhe më pas bëri nderime edhe të vendi i ekzekutimit, në fshatin Burim.
Ai këtë e cilësoi si ngjarjen më të dhimbshme në Malishevë që ka ndodhur gjatë luftës së fundit, ku nga forcat ushtarake dhe policore të shtetit të Serbisë, 21 vjet më parë, pikrisht më 31 mars të vitit 1999, janë vrarë 34 persona nga fshatrat Astrazup e Dragobil, si dhe tetë persona të fshatrave të tjerë.
“Falë gjakut të dëshmorëve të kombit dhe martirëve nëpër kohë dhe histori, sot kemi shtetin e pavarur dhe sovran të Kosovës”, deklaroi Begaj.