Teuta Muji ka përkujtuar babain në 21-vjetorin e rënies për liri.
Por, ky vit është i zymtë për familjen për shkak të gjendjes me koronavirus në Kosovë.
Për shkak të situatës ka qenë e pamundur që familjarët ta përkujtojnë Anif Mujin e rënë për liri.
“Lufta Çlirimtare e Kosovës është epoka më e lavdishme e vendit tonë, është historia jonë.Sot më 31 Mars, shënohen 21 vite që nga rënia heroike e babit tonë për Liri. Marsi që nga lufta ka mbetur muaj i përvjetorëve, i dhimbjes ,i pikëllimit dhe heroizmit të atyre që u flijuan për Liri. Po, ky vit ishte edhe me i zymtë ,ku për shkak të situates aktuale pandemisë Covid-19 nuk u organizuan homazhe as tubime publike, duke mirëkuptuar rekomandimet shtetërore”.
“Babë ,sot edhe Struzhja jote e dashur po pushon , sot as në shkollën shqipe për të cilën u flijove e që mban emrin tënd kënga spo jehon , sot e tërë bota është në qetësi të plotë, çdo gjë është e qetë , megjithatë sakrifica juaj na bën t’ju jemi mirënjohës përjetë. Babë, dëshmorët dhe të gjithë ata që në cfarëdo mënyre kontribuan për çlirimin e vendit tonë , në cfarë do situate çofshim ne, ju mbeteni HERONJË “.
Teuta tutje në mesazhin e shkruar thekson se brezat e rinj këto ditë po e kuptojnë më së miri vlerën e lirisë.
“Janë ditët më të mira për të kuptuar vlerën e Lirisë edhe brezat e rinjë, ani pse situata nuk është e njejtë, sot po i kontribojmë vendit duke qëndruar në shtëpi për të mbrojtur veten dhe familjen , kurse ju ato kohë harruat veten dhe shtëpitë për ti dalë në mbrojtje atdheut , duke sakrifikuar edhe gjënë më të shtrenjtë që njeriu posedon Jetën. Përulja e nderimet para jush,janë më e pakta që mund të bëjmë karshi sakrifices tuaj.E kujtojnë bashkëshortja fëmijët Teuta, Eduarti, Agnesa si dhe familja Muji!Lavdi e përjetshmeMars 2020”.