Pak minuta më parë ka përfunduar takimi në mes të presidentit të shtetit, Hashim Thaçit dhe kreut të Qeverisë në detyrë, Albin Kurtit, raporton Gazeta Express.
Ky takim u mbajt me ftesë të presidentit, që ftoi për konsultim liderët e partive politike pas votimit në qeveri të mocionit për rrëzimin e Qeverisë.
Pas takimit Kurti tha para mediave se iu është përgjigjur Thacit se nuk pranojnë alternativa tjera pos asaj të shkuarjes në zgjedhje të jashtëzakonshme.
Në presidencë momentalisht po mbahet takimi i presidentit me të parin e LDK’së Isa Mustafën.
Presidenca ka publikuar fotografi nga takimi i Thaçit me Kurtin./Express/
