Edicioni i 8-të i festivalit ndërkombëtar të muzikantëve të rinj, DAM 2013, do të mbahet më 1 e 2 nëntor në Prishtinë. Ansambli prestiogjioz i perkusionistëve kroat SUDAR së bashku me pianistin Matej Mestroviq do të hapin këtë edicion nesër, më 1 nëntor, me një koncert spektakël, i cili do të mbahet në Teatrin Kombëtar nga ora 20:00.
Në koncert, transmeton InfoGlobi, do të interpretohen premierë vepra nga Emmanuel Sejourne, Darko Sedak Ben?i?, Matej Mestrovi? dhe Manfred Menke.
“Festivali DAM edhe në edicionet e shkuara gjithmonë ka qenë i fokusuar në veçanti në promovimin e repertorit muzikor të shkruar për perkusione” thotë për infoGLOBI-n, zëdhënësja për media e DAM Festivalit, Vjosana Sina.
Kuarteti harkor “Prishtina” në përbërje të Visar Kuçit, Avni Thaqit, Arianit Shehut dhe Fraim Gashit (që të gjithë anëtarë të Filharmonisë së Kosovës) me repertorin klasik në këtë festival do dalë jashtë murreve të sallave të koncerteve.
Sina shton se “Koncerti i ansamblit do mbahet në qendër tregtare për të provokuar dëgjues të cilët nuk janë të afërt me muzikën klasike por edhe për t’i servuar dëgjuesit fanatik të muzikës klasike një ekperiencë për të dëgjuar kompozitorët klasik në një hapësirë alternative me parametra jo të zakoshëm akustik”.
“Gjetjet për të koncertuar në hapësira jo të zakonshme vijnë si pasojë e mungesës së hapësirave për art në vend” shton Sina.
Si program mysafir në festival mbyllet sezoni i shfaqjes “Dilerat” nga Bekim Lumi më 2 nëntor, po ashtu e vënë në një hapësirë alternative shtypshkronjën e braktisur të “Rilindjes”.
Në skenën e muzikës elektronike do performojnë Flooder nga Maqedonia, Dardan Ramabaja dhe Toton nga Kosova në Mhz dhe Mingle.
Ajo thotë se “Kapaku këtij edicioni do i vihet me një koncert (25 nëntor-Post Dam epilog i cili që dëgjuesin e dërgon në një udhëtim intersant sonor me muzikën e daullistit kosovar Nesim Maxhuni i cili promovon albumin e tij më të ri me Hip – Bop Quinetin e përbërë nga Dukagjin Muhaxherri (Saksofon), Visar Kuçi (Kitarë), Jeton Dolaku (piano), Enver Muhamedi (Bas), Nesim Maxhuni (Daulle)”.