Dega e Partisë Demokratike të Kosovës në Malishevë dhe kryetari i degës, Isni Kilaj, sqarojnë opinionin publik, se shkrimi i sotëm nëpër media të ndryshme, me titullin “Të mëdhenjtë bashkohen në balotazh”, se kinse Isni Kilaj “mendon se elektorati i tij, do ta përkrahë Begajn, pasi që siç ka thënë ai, është i njëjti elektorat”, është një e pavërtetë, dezinformim.
Partia Demokratike e Kosovës, dega në Malishevë, është në pritje të rezultateve përfundimtare, dhe varësisht prej rezultateve, që ne besojmë që do të shkojmë në balotazh, ose në të kundërtën, nëse nuk shkojmë në balotazh, qëndrimi i PDK-së në Malishevë, do të bëhet publik me kohë. Prandaj, kjo “informatë” e dhënë nga gazeta e lartpërmendur, është e pavërtetë. /PrizrenPress.com/