Rrugëtimi ynë kësaj radhe na dërgoi drejt një shpelle, e cila ndërlidhet me gojëdhëna prej më të ndryshmeve, të përcjella gjeneratë pas gjenerate.
Në këtë zonë malore të fshatit Zgatar të komunës së Dragashit, në një lartësi afro 1200 metra, gjendet shpella e Zgatarit, raporton emisioni #gjesi në T7.
Megjithëse, në shikim të parë, kjo shpellë të lë përshtypjen e një vrime të zakonshme, por për banorët e kësaj ane është krejtësisht ndryshe, për faktin se gojëdhënat për këtë shpellë janë të shumta.
Të hedhurit e një guri në këtë shpellë, dikur për familjet që prisnin pasardhës thoshte shumë.
Dhe jo vetëm gurët ndërlidhen me këtë shpellë. Janë edhe fuqitë e mbinatyrshme për të cilat flitet shumë.
Ndryshe, historiku i shpellës së Zgatarit është i lidhur ngushtë edhe me një varr, gjë e cila konsiderohet t’i ketë dy anë të medaljes.
Pos për të shuar kuriozitetin se si duket kjo shpellë, vizitat e shumta që i bëhen tregon se kureshtja për të kuptuar më shumë për gjithë gojëdhënat që qarkullojnë, është e madhe.
Gjithsesi, për brezat e kësaj kohe, këto gojëdhëna thjeshtë mund të duken argëtuese, e ndonjëherë edhe qesharake.